Сезоната на грип активна: Вакцинацијата достапна и во домашни услови

Министерството за здравство информира дека околу 60 илјади граѓани се пријавиле за вакцинација против сезонски грип, а досега се вакцинирани над 8 илјади лица. Имунизацијата се врши на 35 пунктови низ државата, а граѓаните можат да се регистрираат преку платформата vakcinacija.mk или преку својот матичен лекар. Бесплатната вакцинација е наменета за најризичните групи – повозрасни лица, хронично болни, бремени жени, медицински лица, деца (6 месеци – 5 години) и корисници и вработени во установи за грижа на стари лица.

Покрај вакциналните пунктови, за оние кои не можат да излезат од дома, организирани се здравствени екипи кои даваат вакцини во домашни услови, особено за стари, неподвижни или лица со попреченост. За закажување, граѓаните можат да се обратат на телефоните на здравствените домови низ сите региони.

За жителите на општина Маврово и Ростуше:

Здравствен дом Ростуше
070-229-916