Перез уверен: Во Ред Бул се каат што ме отпуштија!

Серхио Перез сигурен: Во Ред Бул се каат што ме отпуштија – тоа веќе се случува! Поранешниот возач на Ред Бул жестоко за разделбата – „Сè се распадна по заминувањето на Адриан Њуи!“

Поранешниот возач на Формула 1, Серхио Перез, отворено проговори за болното заминување од Ред Бул во 2024 година, по разочарувачката сезона. На негово место дојде Лиам Лосон, кој беше заменет по само две трки од Јуки Цунода.

И покрај тоа, и Лосон и Цунода се соочија со истите проблеми што Перез ги имаше, но не успеаја да ги постигнат неговите перформанси.

Во разговор со новинарите, Перез искрено изјави:

„Не, не мислам дека ми должат извинување. Овој спорт е суров. Донесоа одлуки и создадоа притисок што не можеа сами да го издржат. Ќе зажалат – длабоко во себе – и тоа веќе се случува. Знам од сигурен извор. Но, што можам да направам? Одиме понатаму. Тешко е, особено затоа што имам блиски пријатели таму. Не уживам во ова што се случува, навистина не.“

Иако Макс Ферстапен ја освои својата четврта последователна титула, Перез признава дека проблемите во тимот веќе почнуваат да излегуваат на површина:

„Макс го заслужува тоа. Тој е неверојатен возач, а малкумина разбираат што прави на патеката.“

Перез исто така истакна дека неговото заминување не беше единствено. Многу поголем удар за Ред Бул беше разделбата со легендарниот инженер Адриан Њуи:

„Имавме одличен тим. На крајот, сè почна да се распаѓа – полека, но сигурно. Имавме нешто посебно. За разлика од Мерцедес кој доминираше со моторите, ние создадовме сила преку тимска работа и страст. Кога Адриан си замина, вистинските проблеми почнаа да се појавуваат.“