Трамп со остра порака до Иран: „Времето им истекува, мора брзо да дејствуваат“

Американскиот претседател Donald Trump испрати нова остра порака до Иран, предупредувајќи дека „времето истекува“ и дека Техеран мора брзо да реагира доколку сака да избегне сериозни последици.

Во објава на Truth Social, Трамп порача:

„За Иран, часовникот отчукува и подобро е да се придвижат БРЗО, или нема да остане ништо од нив. Времето е од суштинско значење!“.

Изјавата доаѓа во период на зголемени тензии меѓу САД и Иран, поврзани со нуклеарната програма на Техеран и ситуацијата околу Ормутскиот Теснец. Според американските медиуми, администрацијата на Трамп врши силен притисок врз Иран да прифати нов договор и ограничувања за збогатување ураниум.

Во последните недели, Трамп неколкупати предупреди дека САД се подготвени за „многу посилни удари“ доколку не се постигне договор, додека Иран засега ги одбива американските барања.