„Усвоена резолуција против нелегалната миграција: СДСМ и Левица не се појавија на седницата“

На Комисијата за политички систем беше усвоена Резолуцијата против нелегалната миграција, со која се осудуваат, како што беше посочено, манипулациите и политичките злоупотреби на ова чувствително прашање, насочени кон создавање страв и несигурност кај граѓаните.

Мнозинството ја изгласа резолуцијата

Резолуцијата е поднесена од пратениците на парламентарното мнозинство – ВМРО-ДПМНЕ и коалицијата, ВЛЕН и ЗНАМ, кои, според нивните изјави, ја ставаат државната безбедност, стабилноста и интересите на граѓаните како врвен приоритет.

Пратеникот Љупчо Пренџов истакна дека документот јасно ги адресира обидите за политичка инструментализација на миграцијата, нагласувајќи дека ова прашање мора да се третира со одговорност, а не со популизам.