Најава: Две кола од Државната мушичарска лига на Македонија ќе се одржат на реката Радика на 22 јуни

Натпреварите се организираат од Македонската риболовна федерација – привремена забрана за спортски риболов на одредени делови од реката

Река Радика, 22 јуни 2025 – Во организација на Македонската риболовна федерација, во недела ќе се одржат две кола од Државната мушичарска лига на Македонија. Натпреварите ќе се спроведат на различни локации покрај реката Радика, со утринска и попладневна сесија.

Локации и термини:

Прво коло
Време: 07:00 – 11:00 часот
Локација: Од влив на Мала Река до 300 метри над Скудрински мост

Второ коло
Време: 13:00 – 16:00 часот
Локација: Од Криви Мост надолу до Сенечки Ливади

Забрана за риболов за време на натпреварите

Од Македонската риболовна федерација информираат дека за време на натпреварите ќе има привремена забрана за спортски риболов на горенаведените локации.

„Ви благодариме на разбирањето и поддршката во развојот на спортскиот риболов во Македонија,“ – стои во известувањето од Федерацијата.

За љубителите на мушичарење

Државната мушичарска лига претставува елитно натпреварување во спортски риболов со вештачка мушица, каде најдобрите риболовци од земјата се натпреваруваат според меѓународни правила.