Светот на фудбалот утрово беше потресен од веста за трагедијата во која напаѓачот на Ливерпул, Диого Жота, го загуби животот во сообраќајна несреќа. Шпанските власти објавија официјални информации за настанот, кој се случил малку по полноќ.

Според нивниот извештај, автомобилот „Ламборгини“ со кој управувал Жота излетал од коловозот со голема брзина и се запалил. Причината за несреќата, според полицијата, било пукање на гумата додека се обидувал да претекне друго возило.

„Според досегашните сознанија, возилото ‘Ламборгини’ излетало од патот поради пукање на гумата при претекнување. Автомобилот веднаш се запалил и двајцата патници починале на самото место“, се наведува во полицискиот извештај.

Покрај Жота, животот го загубил и неговиот 25-годишен брат Андре, кој исто така бил фудбалер и играл во втората португалска лига.