„Не знаат да губат!“ – Жоао Педро жестоко ги провоцира европските шампиони по финалето!

Жоао Педро ги провоцира ПСЖ по хаосот во финалето: „Не знаат да губат!“

Жоао Педро, најновото засилување на Челси, пристигна во клубот пред само десетина дена, но за кратко време успеа да го освои својот прв трофеј во синиот дрес. Бразилецот се најде во стартниот состав на финалето од Светското клупско првенство и веднаш се запиша во листата на стрелци при победата од 3:0 против ПСЖ.

Педро го постигна третиот гол за Челси, со што практично стави точка на натпреварот уште во првиот дел. Но, неговото име се споменува и поради инцидентот што се случи веднаш по завршувањето на мечот.

Во мешаницата што настана по последниот судиски свиреж, Педро беше удрен од тренерот на ПСЖ, Луис Енрике, кој го загуби трпението во размената на реакции меѓу играчите и стручните штабови.

По натпреварот, Жоао Педро даде провокативна изјава:

„По крајот на натпреварот, се вклучив во мешаницата за да заштитам еден соиграч. Во тие моменти пристигнаа уште многу луѓе и на крајот испадна хаос, бев оттурнат и удрен. Тоа е што е, и ова е дел од фудбалот. Играчите и членовите на ПСЖ ги загубија своите глави – изгледа дека не знаат да губат. Нема да трошам многу енергија на тоа, сега е време за прослава на титулата.“

Изјавата брзо се прошири на социјалните мрежи, а реакциите не изостанаа – дел од навивачите на Челси го поддржуваат неговиот став, додека други го сметаат за непотребна провокација по веќе доминантната победа.