Приведени двајца шверцери. Пронајдени дури 11 мигранти во Струмица

При полициска контрола на патничко возило марка „Фиат“ со скопски регистарски таблички, управувано од лице со иницијали Ц.Ц., а совозач бил М.А., биле откриени 11 мигранти од Египет, од кои девет се малолетни лица.

Мигрантите биле пренесени во Прифатниот центар Винојуг во Гевгелија за понатамошна постапка. Возачот и совозачот биле задржани во полициска станица, а за случајот бил информиран јавен обвинител. По целосно расчистување и документирање на настанот, против осомничените ќе биде поднесена соодветна кривична пријава.

Полицијата продолжува со преземање мерки за спречување на нелегален транспорт на мигранти и заштита на нивните права. Случајот е во тек и се работи на целосно расветлување на околностите.