Велебрдо добива нов паркинг простор во пресрет на летната сезона

Изградбата на новиот паркинг во село Велебрдо влегува во самата завршница, токму пред стартот на претстојната летна сезона. Оваа нова инфраструктурна инвестиција значително ќе го подобри паркирањето во населеното место и ќе им го олесни престојот на сите посетители и жители.

Паркингот, кој се гради на стратегиска локација на влезот во Велебрдо, е проектиран со современи стандарди во соработка меѓу месната заедница Велебрдо и Општината.

Општината најавува дека проектот е во финална фаза и дека се прават последните подготовки пред официјалното пуштање во употреба. Очекувањата се дека паркингот ќе биде целосно ставен во функција пред големиот летен прилив на наши повратници од странство, односно во првата половина на месец Август.

Фотографии во прилог, извор: Озан Билески – Фејсбук