Пожарот кај Крива Паланка се прошири кон Србија

Голем шумски пожар зафати над 50 хектари борова шума кај селото Нерав, Крива Паланка. Пожарот, кој почна на 26 јули 2025 година околу 14 часот, брзо се прошири и кон селото Герман (Ранковце), како и кон општина Трговиште во Србија.

Во гаснењето учествуваат противпожарни екипи од Крива Паланка, Ранковце и Трговиште (Србија), работници од „Македонски шуми“ и жители од околните села.

Теренот е тешко пристапен, што го отежнува гаснењето, а пожарот се заканува да ги зафати и куќите во Нерав. Локалните власти апелираат сите граѓани да ги почитуваат препораките и да се воздржат од движење во шумски и планински предели, со цел безбедност и олеснување на работата на службите на терен.