Јавен повик до реканската дијаспората за престојната летна сезона

ЈАВЕН ПОВИК ОД РЕКАНСКАТА ДИЈАСПОРА

ДА ГО ПОЧИТУВАМЕ КРАЈОТ КОЈ НÈ РОДИЛ

Почитувани пријатели, сограѓани и гости ,

Ние, припадниците на Реканската дијаспора, кои секое лето со љубов се враќаме во родниот крај, чувствуваме обврска и одговорност да упатиме пријателски, но сериозен апел:

Во последниот период е забележан зголемен број на квадови и мотори низ нашите села и планини. За жал, веќе има и сообраќајни инциденти, нарушен јавен ред, како и штета врз природата и селската инфраструктура.

Најголем дел од сопствениците на вакви возила сме токму ние – гурбетчиите. Затоа, искрено ги повикуваме сите наши луѓе да покажат почит и одговорност, исто како што тоа секојдневно го прават во државите каде што живеат и работат.

Ве замолуваме:

Возете внимателно и одговорно

Намалете ја бучавата – луѓето сакаат мир

Почитувајте ги жителите и нивните домови

Чувајте ја природата – таа е наше заедничко богатство

Река нè обединува! Да покажеме дека знаеме да сакаме, да чуваме и да се грижиме – не само кога сме далеку, туку и кога сме дома.

Со почит и љубов,

Реканската дијаспора

https://www.facebook.com/rekanskadijaspora