Шокантно: Филипче тврди дека ВМРО-ДПМНЕ би ги отруле Скопјани за политички поени

Венко Филипче обвинува дека ВМРО-ДПМНЕ и Арсовска се одговорни за блокадата на Скопје, загадувањето на воздухот и труењето на скопјани.

Филипче: ВМРО-ДПМНЕ го блокира Скопје и свесно ги труе граѓаните

Претседателот на СДСМ, д-р Венко Филипче, во интервју за „360 степени“ изјави дека ВМРО-ДПМНЕ и градоначалничката Данела Арсовска се директно одговорни за системското блокирање на функционирањето на Град Скопје и за загадувањето на воздухот.

Арсовска и ВМРО-ДПМНЕ – заедничка одговорност

Филипче потсети дека Арсовска била промовирана од ВМРО-ДПМНЕ како „најдобра менаџерка“ и дека таа била донесена на чело на Скопје токму со поддршката на Христијан Мицкоски.
„Скопјани знаат кој е виновен за хаосот, освен градоначалничката и ВМРО-ДПМНЕ, чии членови ги водат управните одбори на сите градски претпријатија, меѓу кои и ЈСП“, истакна Филипче.

Блокада на јавниот превоз

Тој нагласи дека советниците на ВМРО-ДПМНЕ дури 26 пати гласале против набавка на нови автобуси за ЈСП, што според него е доказ за нивната свесна намера да го блокираат развојот на градот за партиски поени.

Пожарот во Трубарево и труењето на Скопје

Осврнувајќи се на пожарот во Трубарево, Филипче посочи дека власта задоцнила со анализите за квалитетот на воздухот, почвата и водата.
„Министерот за здравство лажеше дека воздухот е чист, а министерот за внатрешни работи не направи соодветна евакуација на граѓаните. Резултатите подоцна покажаа сериозно загадување. Кој ќе ја преземе одговорноста за труењето на Скопје?“ праша Филипче.

Скопјани знаат кој е одговорен

Претседателот на СДСМ истакна дека граѓаните јасно гледаат кој го води градот и институциите:
„Скопјани многу добро знаат кој го блокира Скопје и кој е виновен за загадувањето. Одговорноста не може да се симне со ПР пропаганда.“