Проблеми со сметот во Скопје: Граѓаните се изложени на епидемии заради политички игри

Јавноста отворено дискутира дека политичките игри повторно ја загрозуваат безбедноста и здравјето на скопјани, особено поради негрижата околу отпадот – проблем што трае цел мандат на градоначалничката Арсовска. Контејнерите низ повеќето скопски општини се преполни, отпадот се шири по улиците, зеленилото и патеките, што создава алармантна состојба. Микробиологот Никола Пановски посочува дека ваква ситуација не е видена досега: преполните контејнери влијаат негативно не само на физичкото здравје, туку и на психата на луѓето. Иако времето во октомври спречува масовно ширење бактерии, ризици сè уште постојат, особено од инсекти и глодари, како стаорци кои може да пренесат листериоза и други инфекции во урбана средина. Мувите можат да донесат болести во домовите, а граѓаните се изложени на опасноситe од салмонела, дизентерија и други бактериски инфекции.