„Љубов или маркетинг?“ – Ритко и Боки 13 ја шокираа јавноста со најавата за „свадба“

Интернетот повторно „зовре“ откако Бојан Јовановски – Боки 13 и јутјуберот Ридван Мемедов – Ритко објавија видео во кое тврдат дека се вљубени и дека „скоро ќе има свадба“. Двајцата неодамна започнаа заедничка емисија, која експресно стана вирална на социјалните мрежи и носи десетици илјади прегледи.

На видеото што кружи на интернет, Ритко предизвикувачки изјавува:
„Наскоро свадба ви најавуваме. Ние сме со Боки 13 во голема љубов, ова повеќе не може да се крие.“

Социјалните мрежи веднаш експлодираа со реакции – од шеги и мемиња, до сомнежи дека целата приказна е само добро осмислен маркетинг трик насочен кон собирање уште поголема гледаност.

И додека дел од публиката верува дека можеби навистина има романса меѓу нив, повеќето коментари укажуваат дека ова најверојатно е нов обид за виралност на дуетот кој веќе доминира на YouTube.

Едно е сигурно – Боки 13 и Ритко знаат како да ја задржат јавноста во неизвесност… а дали навистина ќе има „свадба“, останува да видиме.