Засилени градежни активности за санација на локалните патишта во Општина Маврово и Ростуше

Повереник – Градоначалникот, Онер Јакупоски, денеска изврши теренска обиколка на локациите каде што се одвиваат градежните работи за санација и асфалтирање на општинските локални патишта.

Во тек е реализација на планот за подобрување на патната инфраструктура, со што се решаваат долгогодишни проблеми со оштетени и небезбедни делници.
Активностите опфаќаат подготовка на подлогата, санација на критичните точки и завршно асфалтирање, со цел да се обезбеди трајно и квалитетно решение.

Повереник – Градоначалникот, Јакупоски ја нагласи важноста на инвестирањето во инфраструктурата за безбедноста на граѓаните и непречен проток на сообраќајот.

„Овие градежни активности се наш приоритет. Работиме интензивно за што поскоро да ги завршиме сите планирани проекти и да им овозможиме на нашите граѓани безбедни и модерни локални патишта,“ изјави Јакупоски.

Општинската администрација ќе продолжи да ја следи динамиката на работите до нивното целосно завршување.

Извор: Facebook страна на Општина Маврово и Ростуше