Аларм за интернет корисниците: Откриени речиси 150 милиони украдени лозинки – веднаш сменете ги!

Истражувачи за сајбер безбедност алармираат за сериозен безбедносен пропуст откако на интернет била пронајдена огромна база на податоци со речиси 150 милиони украдени лозинки од популарни онлајн сервиси како Gmail, Facebook и Instagram.

Како се украдени лозинките?

Според извештај објавен од ExpressVPN, истражувачот за сајбер безбедност Џеремаја Фаулер открил незаштитена база со големина од 96 GB, која содржела 149.404.754 уникатни комбинации на кориснички имиња и лозинки. Податоците биле собрани преку малициозен софтвер кој директно ги крадел информациите од заразените уреди на корисниците.

Најпогодени платформи:

• Gmail – околу 48 милиони лозинки
• Facebook – над 17 милиони
• Instagram – приближно 6,5 милиони

Меѓу засегнатите сервиси се и Yahoo, Netflix, Outlook, iCloud, TikTok, како и други онлајн платформи.

Опасен софтвер што ги снима податоците

Хакерите користеле таканаречен „крадец на информации“ – софтвер кој:

• ги снима притискањата на тастатурата,
• ги извлекува зачуваните лозинки од прелистувачите,
• собира чувствителни податоци без знаење на корисникот.

Базата била сместена на облачна платформа и била јавно достапна, сè додека истражувачот не ја известил компанијата за хостирање и не била отстранета.