„Го нема кога најмногу треба“: Дончиќ повторно во центарот на вниманието поради повредата

Ѕвездата на Los Angeles Lakers, Luka Dončić, повторно е една од главните теми во NBA, но овојпат поради неговото долго отсуство од терените и сериозната повреда на задната ложа која го оддалечи од најважниот дел од сезоната.

Словенечкиот кошаркар заработи Grade 2 повреда на задната ложа на почетокот на април, а лекарските прогнози покажаа дека закрепнувањето е многу потешко отколку што првично се очекувало. Поради тоа, Дончиќ ги пропушти последните 15 натпревари на Lakers, вклучувајќи го и целиот плејоф.

Неговото отсуство сериозно се почувствува кај тимот од Лос Анџелес, кој беше елиминиран од Oklahoma City Thunder во плејоф серијата. Иако Lakers успеаја да го минат првото коло без својот најдобар играч, недостатокот на лидер и главен поентер беше очигледен во дуелите против актуелниот шампион.

Во изјава за американските медиуми, Дончиќ призна дека периодот надвор од терените му бил исклучително тежок.

„Многу е фрустрирачки. Сè што сакам е да играм кошарка, особено во овој дел од сезоната“, изјави словенечкиот ас.

Според последните информации, Дончиќ веќе започнал со индивидуални тренинзи и рехабилитација, но Lakers не сакале да ризикуваат дополнително влошување на повредата. Дел од третманите ги извршувал и во Шпанија, каде примал специјализирана терапија за побрзо закрепнување.

Покрај здравствените проблеми, Дончиќ последните денови е во центарот на вниманието и поради приватниот живот, откако потврди дека ова лето нема да настапува за репрезентацијата на Словенија.