Средба меѓу Јакупоски и Алили: Разговор за актуелни општински прашања

Во просториите на Општина Маврово и Ростуше се одржа конструктивна средба помеѓу градоначалникот М-р Онер Јакупоски и Сафет Алили, претседател на хуманитарното здружение Letzcare од Луксембург.

На средбата се разговараше за можностите за понатамошна соработка и реализација на проекти од интерес за граѓаните на Општина Маврово и Ростуше, со посебен акцент на поддршката во областа на социјалната заштита и локалниот развој.

Градоначалникот изрази благодарност за досегашниот ангажман и хуманитарните активности на здружението, истакнувајќи дека ваквите партнерства претставуваат значаен придонес за подобрување на условите за живот на локалното население.

Општина Маврово и Ростуше останува отворена за соработка со сите поединци и организации кои преку својата работа придонесуваат за развојот и благосостојбата на нашата заедница.