Мевмед Џафери е нов претседател на Општинскиот комитет на ВМРО-ДПМНЕ Маврово и Ростуше

Мевмед Џафери е избран за нов претседател на Општинскиот комитет на ВМРО-ДПМНЕ во Маврово и Ростуше, со одлука донесена на седница на Извршниот комитет на партијата.

Во објава на социјалните мрежи, Џафери информираше дека изборот бил направен по предлог на претседателот на ВМРО-ДПМНЕ, Христијан Мицкоски.

„Почитувани пријатели, сограѓани и членови, на вечерашната седница на Извршниот комитет на ВМРО-ДПМНЕ, по предлог на претседателот Христијан Мицкоски, сум избран за претседател на Општинскиот комитет на Маврово и Ростуше“, напиша Џафери.

Тој изрази искрена благодарност до претседателот на партијата и членовите на Извршниот комитет за укажаната доверба и поддршка.

„Голема чест и одговорност е да се биде дел од тимот кој работи за доброто на граѓаните и напредокот на нашата држава“, истакна Џафери во својата објава.

Со изборот на Мевмед Џафери за претседател на ОК на ВМРО-ДПМНЕ Маврово и Ростуше, партијата продолжува со кадровско екипирање на локалните партиски структури низ државата.