Среќен почеток на учебната 2026/2027 година во Маврово и Ростуше

Денес, со насмевки, радост и првото училишно ѕвонче, во сите општински училишта на територијата на Општина Маврово и Ростуше официјално започна новата учебна 2026/2027 година.

По тој повод, Градоначалникот на Општина Маврово и Ростуше, м-р Онер Јакупоски, упати искрени честитки и искрени желби до сите ученици, а посебно до првооделенците кои за првпат чекорат во светот на знаењето, како и до наставниците и родителите.

„На сите ученици, а особено на нашите драги првачиња кои денес го прават својот најважен чекор во образованието, им посакувам многу здравје, среќа и неисцрпен успех во усвојувањето на новите знаења. На наставниците им посакувам инспирација и трпение во нивната благородна мисија, а на родителите да бидат горди на достигнувањата на нивните деца. Нека оваа учебна година биде исполнета со одлични резултати и нови успеси за сите нас!“, истакна градоначалникот м-р Онер Јакупоски.

Општина Маврово и Ростуше продолжува посветено да инвестира во подобрување на условите во училиштата и поддршка на сите ученици.

Среќна и успешна учебна година на сите.