Напредуваат градежните активности на патот за с. Рибница

Напредуваат градежните активности на локалниот пат за с. Рибница Градоначалникот на Општина Маврово и Ростуше, м-р Онер Јакупоски, заедно со пратеникот во Собранието на Република Македонија, д-р Мевмед Џафери, и професорот на Градежниот факултет, Сеад Абази, извршија увид во градежните активности на локалниот пат за село Рибница. Во моментов се реализираат земјени работи и тампонирање долж трасата, како подготовка за реконструкција и асфалтирање на патот, при што се следи квалитетот и динамиката на изведбата.

„Овој пат е од големо значење за жителите на Рибница и околните населени места. Нашата заложба е проектот да биде реализиран квалитетно и во предвидената динамика, со што ќе се подобри безбедноста и патната поврзаност“, истакна градоначалникот м-р Онер Јакупоски.

По увидот беше одржана и работна средба со жителите, на која се разговараше за текот на проектот, потребите на населението и унапредувањето на локалната инфраструктура. Општина Маврово и Ростуше продолжува со реализација на инфраструктурни проекти од значење за граѓаните и развојот на локалните населени места.