Тони Паркер ја откри бомбата: Малдон официјално нов играч на Реал Мадрид!

Тео Маледон преминува во Реал Мадрид – потврди Тони Паркер

Претседателот на францускиот кошаркарски клуб Асвел и поранешен НБА ас, Тони Паркер, официјално потврди дека Тео Маледон следната сезона ќе настапува во дресот на Реал Мадрид.

„Маледон потпиша голем договор со Реал Мадрид“, изјави Паркер за францускиот весник Le Progrès.

Маледон (24) е еден од најперспективните француски кошаркари. Својата професионална кариера ја започна во 2017 година токму во Асвел, а по четиригодишна авантура во НБА лигата, оваа сезона се врати во татковината и забележа фантастични настапи.

Во текот на сезоната 2024/25 во Евролигата, Маледон имаше просек од 17 поени, 4,6 асистенции и 3,5 скока, со што заслужено беше избран во втората најдобра петорка на сезоната.

Промени и заминувања во Асвел

Паркер дополнително откри и други клучни информации во врска со играчкиот кадар на Асвел:

• Нил Сако, центарот на тимот, ја активирал клаузулата за трансфер и ќе се пресели во Валенсија.
• Клубот нема финансиски капацитет да го задржи Жофри Ловерњ, кој веројатно ќе си замине.
• Плејмејкерот Парис Ли е оценет како „прескап“ за буџетот на клубот.
• И покрај желбата, малку се шансите да остане Андре Роберсон, поради „значителното зголемување на платите и цените што ги предизвика влезот на Дубаи во Евролигата“.

Асвел ја заврши сезоната на 15. место во Евролигата, а претстојното лето се очекуваат значителни промени во тимот.