Се гледа кој претерува со ботокс: Бред Пит и Том Круз имаат над 60 години, но се обидуваат да останат младолики.

Холивудските ѕвезди Бред Пит (61) и Том Круз (62) се појавија заедно на премиерата на филмот „Ф1“. Двајцата изгледаа необично младолико, што предизвика шпекулации за употреба на ботокс.

Бред носеше зелен костум и бела кошула со отворено горно копче, а на црвениот килим му се придружи и неговата девојка, Инес де Рамон, во светкава долга тоалета. Том Круз беше во темносив дводелен костум и изгледаше свежо и модерно.

Во филмот, Бред ја игра улогата на возач на Формула 1, Сони Хејс, кој се натпреварува со Џошуа Пирс, ликот на Дамсон Идрис. Режисер е Џозеф Косински, кој работеше и на „Топ Ган: Маверик“.

Филмот веќе добива позитивни критики, особено за хемијата меѓу актерите и визуелните ефекти.