Реконструкција и рехабилитација на локален пат и улица во село Маврово, Општина Маврово и Ростуше

Изјава од Општина Маврово и Ростуше

Општина Маврово и Ростуше со задоволство ја најавува јавната презентација и консултација за документот „План за управување со животната средина и со социјалните аспекти (ПУЖССА)“, кој се однесува на проектот за рехабилитација на локален пат-улица во село Маврово.

Оваа активност е дел од поширокиот Проект за поврзување на локални патишта во Република Северна Македонија, чија цел е подобрување на инфраструктурата и условите за живот во нашата заедница.

Презентацијата ќе се одржи на 2 јули 2025 година (среда) со почеток во 11:00 часот во просториите на основното училиште „Денче Дејаноски“ во село Маврово.

На настанот ќе бидат презентирани клучните аспекти од ПУЖССА документот, а граѓаните ќе имаат можност да ги искажат своите мислења и да учествуваат во дискусијата.

Апелираме до сите заинтересирани граѓани, претставници на институции и други чинители да земат активно учество во оваа консултација, со цел да обезбедиме транспарентност и квалитет во имплементацијата на проектот кој директно ќе придонесе за развојот на нашиот регион.

Општина Маврово и Ростуше останува посветена на дијалогот со граѓаните и развојот на одржлива и квалитетна инфраструктура за сите наши жители.