Ѓоковиќ со изненадувачка понуда до Циципас – бизнис соработка на повидок?

Ѓоковиќ му „понудил“ бизнис на Циципас – но грчкиот тенисер има еден услов за цацики без јогурт!

Новак Ѓоковиќ и Стефанос Циципас во Лондон најдоа време за хумор и… потенцијална бизнис идеја?

Во пресрет на Вимблдон, двајцата тенисери се сретнаа на тревникот во Лондон, а Циципас ја искористи можноста да се пошегува на сметка на специфичната исхрана на Ѓоковиќ.

На своите социјални мрежи, грчкиот ас објави фотографија од средбата со опис кој брзо стана вирален:

„Новак: Па… кога отвораме грчка таверна?
Јас: Кога ќе научиш конечно да правиш цацики без да користиш јогурт од соја.“

Шегата ја истакна познатата навика на Ѓоковиќ да избегнува млечни производи и животински состојки, што очигледно е предизвик кога станува збор за традиционалната грчка кујна.

Иако сè беше кажано со доза на хумор, фановите веќе се шегуваат дека можеби ова е почеток на ново партнерство – таверна со „вегански цацики по рецепт на Ѓоковиќ“.