Ансу Фати го продолжува договорот со Барселона пред потенцијалниот трансфер во Монако

Ансу Фати ќе потпише нов договор со Барселона до 2028 година, пред да се пресели на позајмица во Монако, објави шпанското радио Кадена СЕР.

Иако претходно беше најавено дека шпанскиот репрезентативец е пред договор со клубот од Лига 1, сега е јасно дека Барса прво ќе го продолжи неговиот актуелен договор, кој моментално истекува во летото 2027 година.

Според информациите, позајмицата ќе вклучува опција за откуп на Фати во вредност од околу 11 милиони евра. Доколку Монако реши да го откупи договорот на младиот офанзивец, Барселона ќе има право на првенствено одбивање за евентуален иден трансфер.

Дополнително, се споменува дека во случај на целосен трансфер, крајната сума може да достигне 28 милиони евра.

Останува да се види дали оваа позајмица ќе го оживее потенцијалот на Фати, кој важеше за еден од најталентираните фудбалери на својата генерација.