Санчо без понуди – платата му е главна пречка за трансфер!

Џејдон Санчо во проблеми – високата плата го оддалечува од нов клуб!

Фенербахче и други клубови се повлекоа од преговорите – платата на Санчо е главната пречка за трансфер.

Џејдон Санчо дефинитивно го напушта Манчестер Јунајтед, но неговата иднина е далеку од јасна. Иако интерес за него има, најголем проблем се неговите финансиски барања.

Според информациите, неколку клубови започнале разговори за трансфер, но брзо се повлекле поради превисоката плата која ја бара англискиот офанзивец.

Санчо минатата сезона ја мина на позајмица во Челзи, каде што имаше неконзистентни настапи. По враќањето во Јунајтед, станува јасно дека тој нема иднина на „Олд Трафорд“.

Еден од заинтересираните клубови беше Фенербахче, но турскиот гигант брзо ги прекина преговорите. Причината е јасна – огромната плата што ја бара поранешниот англиски репрезентативец.

Ова не е првпат клубови да се повлечат од трката за Санчо поради неговите финансиски услови.

Во својата кариера, Санчо настапуваше за Борусија Дортмунд, Манчестер Јунајтед и Челзи, но моментално останува без решение за следната дестинација.