Rostushe Trails 2025 – Планинска тркачка авантура во срцето на Национален Парк Маврово

На 26 јули 2025, живописното село Ростуше ќе биде домаќин на првото издание на планинската трка Rostushe Trails. Сместено во западниот дел на Македонија, покрај реката Радика и опкружено со природни убавини, селото нуди идеална локација за љубителите на активен туризам и планинско трчање.

Две трки, едно доживување

Bagrem Trail 10K / 520 D+

Најкратката и најдостапна патека, наменета за почетници, рекреативци и семејства, ги води учесниците од Ростуше покрај реката Радика, низ автентични селски предели, до Јанче (контролен пункт), и назад преку с.Аџиевци.

• Старт: 10:00 ч. од с. Ростуше
• Должина: 10 км
• Надморска висина: +520 м
• Времетраење: лимит 4 часа
• Максимум учесници: 200
• Цени: 800 денари до 21 јули
• Пакет за учесници: стартен број со чип, dry-fit маичка, финишер медал, пункт за освежување (Јанче – 5 км), награди за најбрзи машки и женски

Krchin Trail 24K / 1600 D+

Вистински предизвик за искусни планинари – Krchin Trail нуди 24 километри трчање по каменити и алпски терени, со искачување до карпестиот гребен на врвот Крчин (2.341 м).

• Старт: 09:00 ч. од с. Рослуше
• Должина: 24 км
• Висинска разлика: +1600 м / -1600 м
• Времетраење: лимит 8 часа
• Максимум учесници: 150
• Цени: 1400 денари до 21 јули
• Пакет за учесници: стартен број со чип, dry-fit маичка, финишер медал, три освежителни пункта (Кутел, Црквиче, Караула), награди за најдобри машки и женски

Зошто Ростуше?

Селото Ростуше е познато по своето гостопримство. Иако многу жители се иселени во земји како Италија, Германија и Швајцарија, летните месеци го оживуваат селото. Во близина се наоѓаат природни и културни знаменитости како:

• Водопадот Дуф
• Старата болница
• Старата џамија
• Манастирот Свети Јован Бигорски