Алмина Имери назначена за В.Д. директор на СОУ Маврово-Ростуше

Градоначалникот на Општина Маврово и Ростуше, Онер Јакупоски, денеска донесе решение со кое за вршител на должноста (В.Д.) директор на средното СОУ „Маврово-Ростуше“ е назначена Алмина Имери.

Алмина Имери, доаѓа на оваа одговорна позиција од редовите на колективот на училиштето, каде што долги години успешно работи како професор по предметите филозофија, етика и логика.

Нејзиното познавање на образовниот процес во институцијата, професионалноста и посветеноста кон учениците беа клучни во одлуката за нејзиното именување.

„Верувам дека со својот професионален капацитет и долгогодишно искуство, новата директорка успешно ќе продолжи да го унапредува квалитетот на образованието во нашата општина.

Наша заедничка цел е создавање на современи услови за учење и развој на младите,“ истакна градоначалникот Јакупоски, посакувајќи ѝ успех во претстојната работа.

Извор: Фб Страна на Општината