Рехабилитирана и асфалтирана улица во село Скудриње

Успешно заврши втората фаза од рехабилитацијата и асфалтирањето на улица во с. Скудриње:

Градоначалникот Јакупоски и пратеникот Џафери во заеднички увид на терен.

Локалната инфраструктура во Општина Маврово и Ростуше продолжува да се модернизира со засилено темпо.

Успешно заврши втората фаза од капиталниот проект за рехабилитација, проширување и асфалтирање на улица во село Скудриње, кој беше реализиран со финансиска поддршка од Владата на РС Македонија со кофинансирање на дел од срествата од буџетот на општина Маврово и Ростуше.

По повод финализирањето на градежните активности, Градоначалникот на општината, М-р Онер Јакупоски, заедно со Пратеникот во Собранието на РС Македонија, Д-р Мевмед Џафери, извршија теренска посета на овој исклучително значаен инфраструктурен објект.

„Соработката помеѓу локалната самоуправа и централната власт дава конкретни и видливи резултати во интерес на граѓаните.

Со проширувањето и комплетното асфалтирање на оваа улица во Скудриње, не само што го решаваме долгогодишниот проблем со пристапноста, туку и значително ја зголемуваме безбедноста во сообраќајот,“ изјави градоначалникот Јакупоски.

Пратеникот Д-р Мевмед Џафери изрази задоволство од ефикасноста при реализацијата на проектот и потенцираше дека поддршката од Владата за Општина Маврово и Ростуше ќе продолжи и во иднина, со цел обезбедување рамномерен развој и подобри услови за живот во сите населени места.

Новата патна инфраструктура во с. Скудриње значително го олеснува секојдневието на жителите, а Општина Маврово и Ростуше уште еднаш ја потврдува својата посветеност кон исполнување на ветувањата за модерна и функционална општина.