Брза интервенција на општинските служби: Расчистени одроните на патот кон село Видуше

Општина Маврово и Ростуше успешно реализираше акција за отстранување на поголеми одрони од земја и камен на локалниот патен правец што води кон село Видуше, со што повторно е обезбедено безбедно и непречено одвивање на сообраќајот.

По добиената пријава за одрон на патот, општинската механизација беше веднаш ангажирана, а интервенцијата беше изведена навремено и ефикасно, спречувајќи подолга блокада и можни ризици за учесниците во сообраќајот.

Од Општината информираат дека состојбата на сите локални патишта се следи континуирано, особено во периоди со нестабилни временски услови, кога постои зголемен ризик од нови одрони.

Општината најавува дека и понатаму ќе продолжи со редовен теренски надзор и навремени интервенции, со цел локалната патна инфраструктура да остане безбедна и функционална.