Демократски сојуз: Владата да не подлегнува на притисоци за правосудниот испит

Демократски сојуз ја повика Владата да не подлегнува на политички и институционални притисоци поврзани со правосудниот испит, оценувајќи дека владеењето на правото и квалитетот на правосудниот систем не смеат да бидат доведени во прашање.

Од партијата посочуваат дека критериумите за полагање на правосудниот испит мора да останат на високо професионално ниво и да не се носат избрзани решенија кои би можеле негативно да влијаат врз правниот систем и довербата на граѓаните во институциите.

Во реакцијата, Демократски сојуз потенцира дека реформите во правосудството треба да се темелат на стручност, независност и почитување на законите, а не на дневно-политички интереси.

Партијата предупредува дека секое намалување на критериумите или попуштање под притисоци може дополнително да ја наруши состојбата во судството, кое и онака со години е една од најкритикуваните области во државата.

Во јавноста веќе подолг период се води дебата околу условите и начинот на полагање на правосудниот испит, како и потребата од реформи во правниот и судскиот систем.