(ВИДЕО) – Дончиќ со кош во последна секунда го шокираше Денвер – Лејкерс го победија тимот на Јокиќ

Неверојатен натпревар се одигра во НБА лигата во таканареченото „балканско дерби“ меѓу Лука Дончиќ и Никола Јокиќ.

Екипата на Лос Анџелес Лејкерс успеа да слави против Денвер Нагетс со 127-125 по продолжение, а херој на вечерта беше словенечкиот ас Лука Дончиќ.

Дончиќ го постигна победничкиот кош на само половина секунда до крајот, со што му донесе драматична победа на својот тим. Веднаш по тоа следуваше и одлучувачки момент во одбраната, кога беше блокиран последниот обид на Денвер за израмнување.

Натпреварот беше вистински спектакл, бидејќи и Дончиќ и Јокиќ одиграа на високо ниво и беа главни фигури на теренот. Двајцата кошаркари имаа одлични статистики и беа двигатели на своите тимови во текот на целиот натпревар.

„Балканската пресметка“ уште еднаш покажа дека Дончиќ и Јокиќ се меѓу најдобрите кошаркари во НБА, а нивните дуели секогаш привлекуваат огромно внимание кај љубителите на кошарката.

Победата е важна за Лејкерс во борбата за подобра позиција на табелата, додека Денвер ќе се обиде да се врати на победничките патеки во следните натпревари.