Општина Маврово и Ростуше со поддршка за младите возачи

Започнува доделувањето на еднократна помош за возачка дозвола Б категорија

На предлог на Градоначалникот на Општина Маврово и Ростуше, Онер Јакупоски, Советот на Општина Маврово и Ростуше донесе нов Правилник со кој се овозможува доделување еднократна парична помош за завршена стручна обука за возачка дозвола од Б категорија.

Оваа мерка е наменета за младите невработени лица на возраст од 16 до 24 години кои се со постојано живеалиште во нашата општина.

Потребни документи за аплицирање:

– Важечки документ за идентификација (лична карта или пасош);

– Потврда за завршена стручна обука за Б- категорија (не постара од 01.02.2026 година);

– Доказ за извршена уплата (уплатница уплатена во банка / пошта или фискална сметка не постара од 01.02.2026 година);

– ⁠Сведителство од 9-то одделение или потврда за завршено основно образование во едно од Основните Училишта кои се наоѓаат на територијата на Општина Маврово и Ростуше;

– Копија од трансакциска сметка;

Услови за добивање на помошта:

– Лицето мора да има постојано живеалиште во Општина Маврово и Ростуше, да биде на возраст од 16 до 24 години и да не е во работен однос.

– Барањето и потребните изјави се подигнуваат и пополнуваат директно во просториите на Општината.

Во тек е изработка на нова Веб страна на општината, откако истата ќе биде во функција потребните барања ќе можат да се превземаат директно од општинската веб страница.

Напомена:

Право на остварување на еднократна парична помош ќе добијат Лица кои се резиденти и се со постојано место на живеење во општината.

Сите финансиски трошоци за стручната обука за возачка дозвола Б категорија ќе бидат рефундирани од страна на општината.

Со оваа мерка, градоначалникот Онер Јакупоски и локалната самоуправа ја потврдуваат својата постојана посветеност кон поддршката на младите и олеснување на нивното секојдневие.

Извор: Фејсбук страна на Општина Маврово и Ростуше