Евролига блиску до Штип: Следната сезона елитна кошарка на само 200 км?

Евролига на дофат: Хапоел ќе игра во Софија – кошаркарски спектакл само 200 км од Штип?

Со оглед на нестабилната безбедносна ситуација во Израел, кошаркарските клубови Макаби Тел Авив и Хапоел Тел Авив ќе бидат принудени повторно да ги играат своите евролигашки натпревари надвор од татковината.

Додека Макаби веројатно ќе остане во Белград, како и минатата сезона, Хапоел, според информациите на порталот „Basketball Sphere“, најверојатно ќе ја постави својата база во Софија, Бугарија. Домашните натпревари ќе се играат во Арена 8888, позната и како Армеец Арена – сала со капацитет од над 12.000 гледачи и сите услови за натпревари од највисоко ниво.

Ова значи дека за љубителите на кошарката од Штип и цела Македонија, Евролига кошарката ќе биде само 200 километри далеку. Тоа претставува идеална можност за спортски викенд во Софија и следење на најдобрите европски клубови во живо – нешто што ретко се случува толку блиску до нашата граница.

Евролигата во регионот – уште една причина да се надеваме на спектакли и незаборавна атмосфера!