(ВИДЕО)Голем пожар ја зафати шумата кај Длабочица – вклучени повеќе екипи во гаснење

Голем пожар избувна во попладневните часови во селото Длабочица, во општина Старо Нагоричане, зафаќајќи мешана и борова шума, информираат од Регионалниот центар за управување со кризи.

Во акцијата за гаснење се вклучени:

• Пет вработени од „Национални шуми“
• Осум пожарникари од ТППЕ Старо Нагоричане
• Пет пожарникари и две возила од ТППЕ Ранковце

Командирот на ТППЕ Старо Нагоричане, Далибор Трајковски, изјави дека:

„Пожарот започна по 13 часот. На терен излеговме со две противпожарни возила, а помош ни пристигна и од Ранковце. Гаснењето продолжи и утринава со дополнителни екипи од Куманово.“

Пожарникарите и шумската служба и денес се на терен, работат на локализирање и спречување на проширување на огнот, бидејќи теренот е тежок и исполнет со сув материјал.