Повереник – Градоначалникот на Општина Маврово и Ростуше, Онер Јакупоски, ја посети Присојница.

– Градежни активности.

– ⁠Дијалог со месното население

Повереник – Градоначалникот на Општина Маврово и Ростуше, Онер Јакупоски, изврши теренска обиколка на градежните работи кои се одвиваат во населеното место Присојница.

Целта на посетата беше увид во динамиката на градежните активности за проектите кои се од витално значење за подобрување на локалната инфраструктура.

Со изградбата на потпорните ѕидови драстично ќе се прошират селските локални патишта со што ќе се овозможи полесен пристап до секој дом во ова населено место.

За време на престојот во Присојница, Јакупоски оствари информативни средби со месното население, каде во директен разговор беа разменети мислења за идните приоритетни проекти кои треба да го подобрат квалитетот на живот во ова село.

Како еден од клучните заклучоци од средбата беше најавата од потреба за формирање на месната заедница во Присојница, која повеќе од две години не функционира.

Овој важен процес е планирано да се официјализира околу новогодишните празници, период кога бројната дијаспора се враќа во родниот крај.

Целта е сите граѓани, вклучително и оние кои работат во странство, да бидат активно вклучени во одлучувањето и легитимното претставување на интересите на Присојница.

„Нашата мисија е инклузивност. Сакаме кога дијаспората ќе биде тука, заеднички да ја поставиме новата структура на месната заедница и да ги дефинираме проектите за следната година. Гласот на секој жител на Присојница е важен,“ изјави Јакупоски.

Општината продолжува со засилено темпо на работа, ставајќи ги потребите на граѓаните на прво место.

Извор: Facebook страна на Општина Маврово и Ростуше