Градоначалникот Онер Јакупоски домаќин на ученици од ОУ „Хајан Селмани“

Градоначалникот, М-р. Онер Јакупоски беше домаќин на учениците од ОУ „Хајан Селмани“

Денеска, просториите на Општина Маврово и Ростуше беа исполнети со насмевки, радост и љубопитност.

Градоначалникот, М-р Онер Јакупоски беше домаќин на учениците од ОУ „Хајан Селмани“, од училишните објекти во Ростуше, Требиште и Велебрдо.
Целта на оваа посета беше учениците одблизу да се запознаат со институцијата која се грижи за нивната општина.

За време на средбата, градоначалникот на едноставен и разбирлив начин ги запозна учениците со секојдневната работа на општинската администрација, начинот на донесување одлуки и клучните ингеренции на општината во областите како образованието, инфраструктурата и заштитата на животната средина.

„Вашата енергија и желба за знаење се најголемиот поттик за нашата работа. Општината е ваш сервис и секогаш е отворена за вашите идеи,“ истакна градоначалникот Јакупоски, упатувајќи им срдечни желби за многу успех, високи оценки и посветеност во нивниот понатамошен образовен процес.