Емир Мирто именуван за нов директор на ООУ „Хајан Селмани“ – Ростуше

Градоначалникот на Општина Маврово и Ростуше, Онер Јакупоски донесе Решение за избор на директор на Основното општинско училиште „Хајан Селмани“ во село Ростуше.

За нов директор на оваа образовна установа е именуван Емир Мирто, досегашен учител по одделенска настава со долгогодишно искуство во воспитно-образовниот процес.

При врачувањето на решението, Градоначалникот му честиташе на новиот директор, истакнувајќи ја неговата досегашна посветеност како просветен работник.

Градоначалникот Јакупоски му посака успешна работа, многу енергија за справување со предизвиците и акцент на внесување иновации и подигнување на квалитетот во образованието.

Локалната самоуправа останува посветен партнер на училиштето „Хајан Селмани“ во сите идни проекти насочени кон подобрување на условите за учениците и наставниот кадар.

Извор: Фејсбук страна на Општина Маврово и Ростуше