Над 3 милиони денари вложени во основните училишта во Маврово и Ростуше

Повеќе од 3.000.000 денари инвестирани во општинските основни училишта

Образованието е високо на агендата на градоначалникот м-р Онер Јакупоски

Општина Маврово и Ростуше продолжува со интензивни вложувања за модернизација и подобрување на условите во воспитно-образовниот процес.

По директна насока и иницијатива на градоначалникот м-р Онер Јакупоски, за општинските основни училишта се реализираше инвестиција во вредност од над 3.000.000 денари.

Со овие средства сите општински основни училишта се опремени со современа наставна технологија, кабинетска опрема и дидактички материјали, меѓу кои:

Интерактивни паметни панели за современа, интерактивна и дигитализирана настава;

Нови микроскопи и лабораториска опрема за практична примена и истражувачка работа во природните науки;

Современи географски карти и математички комплети кои овозможуваат визуелно и полесно совладување на сложените наставни содржини;

Специјализирани спортски реквизити и заштитна опрема за подобрување на часовите по физичко и здравствено воспитание;

Разновидни нагледни средства и наставни помагала прилагодени на потребите на сите ученици, со фокус на инклузивноста.

Развојот на образованието и создавањето современи, стимулирачки услови за учење остануваат еден од главните приоритети на општинското раководство.

„Вложувањето во нашите деца и во младите генерации е вложување во иднината на целата наша општина. Наша цел е на секое дете во Маврово и Ростуше да му обезбедиме еднакви, современи и квалитетни услови за образование, рамо до рамо со светските стандарди“, истакна градоначалникот м-р Онер Јакупоски.

Општина Маврово и Ростуше продолжува со реализација на проекти кои го поддржуваат наставниот кадар и им овозможуваат на учениците полесно, поинтересно и поефикасно усвојување на новите знаења.