Интензивно се гради новиот резервоар за вода во Ростуше

Општина Маврово и Ростуше продолжува со реализација на капиталните инфраструктурни проекти, а со засилено темпо се одвива и изградбата на новиот резервоар за вода во Ростуше.

Станува збор за проект од големо значење за локалното население, чија цел е обезбедување стабилно, квалитетно и долгорочно водоснабдување за жителите на селото.

При увид на градежните активности, градоначалникот М-р Онер Јакупоски истакна дека општината останува целосно посветена на реализација на ветените проекти и подобрување на инфраструктурата во сите населени места.

„Интензивно се работи на сите капитални проекти кои ги започнавме во нашата општина. Новиот резервоар во Ростуше е приоритет со кој директно го подобруваме квалитетот на живот на граѓаните. Нашата цел е модерна и функционална инфраструктура во секое населено место“, изјави Јакупоски.

Од Општината посочуваат дека проектот е дел од поширокиот план за капитални инвестиции, преку кој се решаваат долгогодишни инфраструктурни проблеми и се создаваат услови за одржлив развој на целиот регион.