ВОНРЕДНО! Владата прогласи кризна состојба – Еве што значи тоа за граѓаните!

Кризна состојба во државата: Владата прогласи 30-дневни вонредни мерки поради пожарите

Портпаролката на Владата, Марија Митева, денеска на прес-конференција соопшти дека во државата се прогласува кризна состојба во траење од 30 дена поради зголемената опасност од пожари. Одлуката е донесена по денешните состаноци на надлежните институции, имајќи предвид високите температури, силните ветрови, ризикот по животната средина и тешко пристапниот терен.

„Ова значи интегриран и координиран пристап на сите институции – Армијата, полицијата, противпожарните единици, ЦУК, ДЗС, како и локалната самоуправа. Ќе се мобилизираат сите расположливи човечки, технички и логистички ресурси“, изјави Митева.

Владата најави итна и навремена помош за сите засегнати подрачја со цел да се спречат поголеми последици од огнената стихија. Државата ќе биде присутна таму каде што е најпотребна, истакна портпаролката.

Граѓаните се повикани на максимална претпазливост и почитување на сите забрани и мерки за заштита од пожари.