Македонец меѓу загинатите: 19-годишен Бугарин влета со автомобил во ресторан – трагедија со тројца мртви!

Тешка трагедија се случи ноќеска во Разград, Бугарија, кога 19-годишен возач го изгубил контролата врз автомобилот на својот татко и удрил директно во гости кои седеле во ресторан. Инцидентот се случил околу 01:36 часот на улицата Гранчарска.

На лице место починале тројца мажи на возраст од 58, 62 и 64 години. Еден од загинатите е 58-годишен државјанин на Македонија со постојано живеалиште во Бугарија.

Иако тестовите за алкохол и дрога кај возачот биле негативни, земени се дополнителни примероци за понатамошна анализа. Обвинителството веднаш покрена постапка и ќе бара најстрога мерка – притвор за младиот возач.

Случајот ги шокираше и бугарската и македонската јавност, а истрагата продолжува.