Нов капитален проект во Ростуше: Решен деценискиот проблем со водоснабдувањето

Изграден нов резервоар за вода во Ростуше, решен уште еден децениски проблем на жителите.

Успешно заврши и последната фаза од изградбата на новиот резервоар за вода за село Ростуше, капитален проект кој е од витално значење за сите жители од ова населено место.

Со реализацијата на оваа важна инвестиција се подобрува квалитетот и стабилноста во снабдувањето со пивка вода за домаќинствата.

Овој значаен инфраструктурен проект е целосно во согласност со програмските определби и приоритети на градоначалникот на Општина Маврово и Ростуше, м-р Онер Јакупоски.

Тој уште еднаш ја потврди својата посветеност за решавање на клучните комунални проблеми и подобрување на основните услови за живот на граѓаните.

Новиот резервоар е изграден според сите современи технички и хигиенски стандарди, со што се обезбедува поголем капацитет, повисок притисок и сигурна дистрибуција на водата, особено во периодите од годината кога потрошувачката е најголема.

Општина Маврово и Ростуше продолжува со реализација на нови капитални проекти низ сите населени места, водејќи грижа за рамномерен локален развој и подобрување на животниот стандард на сите сограѓани.