Арсовска: Поднесовме нови докази за фалсификатите на Висар Ганиу до Обвинителствот

Данела Арсовска достави нови докази за фалсификати на Висар Ганиу и соработници до Обвинителството

Градоначалничката на Скопје, Данела Арсовска, објави дека до Основното јавно обвинителство за гонење организиран криминал и корупција поднеле нова документација со докази за фалсификати извршени од Висар Ганиу, Ејуп Адеми, Бујар Аземи и нивните соучесници.

Арсовска нагласи дека овие кривични дела се од огромни размери, но институциите засега не реагираат, додавајќи дека нема поволно време за откривање криминал во Македонија.

„Денес добивме над 20 нови докази од оштетени лица за фалсификатите на организираната криминална група предводена од Висар Ганиу. Колку и да се обидува да ги сокрие документите, тие постојано ни пристигнуваат и продолжуваат да го откриваат криминалот“, изјави Арсовска.

Таа го повика Обвинителството да постапи и ја истакна спорната легализација на десетици станови во 2011 година поднесена од Бујар Аземи, кој тогаш имал само 16 години, за зграда што се градеше во 2024 година.

Арсовска, која е и известувач и портпарол за етика и борба против корупцијата во Советот на Европа, ги повика институциите да ги преземат соодветните мерки и да го истражат случајот.