Падна „МојДДВ“ – УЈП предупредува

„МојДДВ“ – УЈП со важно известување до граѓанитеУправата за јавни приходи (УЈП) ја информира јавноста дека мобилната апликација „МојДДВ“ во моментов е недостапна поради технички проблеми.Од УЈП велат дека нивните ИТ тимови интензивно работат на отстранување на проблемот, со цел апликацијата што поскоро да биде повторно целосно функционална.Граѓаните се известуваат дека нема потреба од паника бидејќи, согласно член 6 од Законот за враќање на дел од износот на ДДВ, фискалните сметки може да се скенираат во рок од 10 дена од датумот на нивното издавање. Тоа значи дека сите сметки кои се во рамките на овој рок, ќе можат да бидат скенирани веднаш штом апликацијата се стави во функција.„Ги молиме сите корисници за трпеливост и разбирање. Тимот на УЈП е целосно ангажиран и работи на надминување на техничките пречки“, стои во соопштението на Управата за јавни приходи.