Општина Маврово и Ростуше со социјална услуга “Помош и нега во домот“ во партнерство со здружението „Актива“

Градоначалникот на Општина Маврово и Ростуше, Онер Јакупоски, потпиша договор за соработка со претставник на здружението „Актива“. Со овој чин, започнува заедничкиот процес за воспоставување и развој на социјалната услуга „Помош и нега во домот“ на територијата на нашата општина.

Оваа соработка претставува клучен чекор во заложбите на локалната самоуправа за обезбедување квалитетна грижа за повозрасните лица и нашите ранливи сограѓани.

Услугата е насочена кон директна поддршка во секојдневните активности на граѓаните во нивните домови, со цел да им се овозможи достоинствен и самостоен живот.

„Грижата за нашите највозрасни сограѓани е наш врвен приоритет. Со оваа услуга носиме конкретна помош таму каде што е најпотребна – во домовите на нашите жители. Општина Маврово и Ростуше продолжува посветено да инвестира во хумани и социјални услуги кои се достапни за сите,“ изјави градоначалникот Јакупоски при потпишувањето.

Извор: Фејсбук страна на Општина Маврово и Ростуше