Млади од Нови Сад во посета на Општина Маврово и Ростуше

Проект за пријателство, солидарност и меѓународна соработка

Општина Маврово и Ростуше денеска беше домаќин на група ученици од гимназијата „Живорад Јанковиќ“ од Нови Сад, Република Србија.

Градоначалникот Онер Јакупоски им посака топло добредојде на гостите, кои во рамките на заеднички проект престојуваат во нашиот регион заедно со своите врсници од СОУ „Маврово – Ростуше“.

Оваа средба е дел од иницијатива за промоција на пријателството и солидарноста, каде преку директна дружба младите разменуваат искуства и ги зајакнуваат меѓусебните врски.

За време на приемот, градоначалникот на општина Маврово и Ростуше, Онер Јакупоски ги запозна гостите со начинот на функционирање на локалната самоуправа и административната структура на општината.

Посебен акцент беше ставен на природните реткости и убавини на нашиот крај. Градоначалникот ги поттикна учениците да ја истражат Општина Маврово и Ростуше, потенцирајќи дека ваквите предели се инспирација за секој млад човек кој ја негува љубовта кон природата.

„Ви посакувам да понесете најубави спомени од нашиот крај и ова пријателство со вашите домаќини од Ростуше да трае со години.

Општината секогаш ќе поддржува проекти кои ги зближуваат младите од регионот” порача градоначалникот Јакупоски.

Извор: Фејсбук страна на Општина Маврово и Ростуше