„Холивуд во шок: Познатата двојка раскинува по 8 години – што се случи?“

Разделба на познати личности: Кејти Пери и Орландо Блум наводно ставиле крај на својата долгогодишна љубовна приказна

Еден од најпознатите холивудски парови, пејачката Кејти Пери и актерот Орландо Блум, според пишувањата на „TMZ“, веќе не се заедно. Нивната врска, која траеше повеќе од осум години и вклучуваше веридба, заедничко родителство и бројни јавни настапи, наводно завршила без голема драма – тивко и дискретно.

Блиски извори до Блум тврдат дека актерот моментално е „слободен и отворен за нови почетоци“. Своето ново животно поглавје, како што се наведува, ќе го започне токму на спектакуларната венчавка на Џеф Безос и Лорен Санчез во Венеција – каде што ќе присуствува како специјален гостин и, наводно, ќе блесне во полн сјај.

„Ќе изгледа фантастично и подготвен е за добра забава,“ открива извор за „TMZ“, навестувајќи дека појавувањето на Блум на венчавката ќе привлече многу внимание – особено поради шпекулациите за раскинувањето со Пери.

Дополнително, се шпекулира дека Орландо ќе се поврзе со својот пријател Леонардо ди Каприо и ќе биде дел од елитните забави што се организираат во Венеција.

Она што дополнително ги поттикна гласините за разделбата е тоа што Кејти нема да присуствува на венчавката на Безос – настан кој многумина го нарекуваат „венчавка на годината“. Иако официјалната причина е нејзината светска турнеја „143“, дел од фановите се сомневаат дека токму оваа турнеја е само изговор.

Како потенцијален момент на раздор во односите се наведува и патувањето на Пери во вселената, на кое учествуваше преку иницијативата на Безос. Според изворите, Орландо не ја сфатил сериозно нејзината одлука, што предизвикало чувство на разочараност кај пејачката.

„Тој мислеше дека тоа е бесмислено, а таа очекуваше поддршка. Наместо тоа, се почувствува повредено,“ изјавил извор блискo до двојката.

Да потсетиме, Кејти и Орландо веќе еднаш направија пауза во 2017 година, но повторно се споија на Денот на вљубените во 2018, кога следеше и нивната веридба.