Реџа ужива во одмор во Хрватска

Американската албанска ѕвезда Бебе Реџа го минува времето во Хрватска, каде настапи на свадба и ги воодушеви гостите со својот настап. Во текот на својот престој, таа уживаше во прошетки по Дубровник, шетајќи боса по Страдун и фотографирајќи се покрај познатите столбови.

Пејачката неодамна сподели фотографии од Хвар и Дубровник, каде што уживаше во плажните активности, возење со чамец, нуркање и дружење со пријатели. Претходно беше и во Сплит, каде слободното време го искористи за релаксација.

Бебе Реџа (вистинско име Блета Реџа) е американска пејачка и текстописец од албанско потекло, родена во Бруклин, Њујорк, а нејзините родители се имигранти од Македонија. Нејзиниот голем пробив во музиката дојде со хитот „The Monster“, кој го напиша за Еминем и Ријана, по што започна успешна соло кариера, комбинирајќи поп, хип-хоп и денс стилови.